Subscribe:

මාළඹේ පෞද්ගලික වෛද්‍ය විද්‍යාලය ප්‍රෝඩාවක් - වාසු

Vasudeva Nanayakkara
මාළඹේ පෞද්ගලික වෛද්‍ය විද්‍යාලය ප්‍රෝඩාකාරී වැඩපිළිවෙළක් බව භාෂා හා සමාජ ඒකාබද්ධතා අමාත්‍ය වාසු‍දේව නානායක්කාර මහතා පවසා ඇත. අමාත්‍යවරයා ‍මාධ්‍ය ‍වෙත නි‍වේදනයක් නිකුත් කරමින් මේ බව සඳහන් කර ති‍බේ.

එහි වැඩිදුරටත් සඳහන්ව ඇත්තේ මෙම ‍පෞද්ගලික වෛද්‍ය විද්‍යාලට නීත්‍යානුකූල පදනමක් නොතිබීමත්, ජාත්‍යන්තර වෛද්‍ය ප‍්‍රමිතියට අනුකූලව වෘත්තිකයන් බිහිකිරීමට ඇති නොහැකියාවත් නිසි ප‍්‍රායෝගික පුහුණු පහසුකමි හා ශාස්තී‍්‍රය දැනුම ඇති ගුරු මණ්ඩලයක් නොසිටීමත් බරපතල ලෙස ඉස්මතු වන ගැටලුවක් නිර්මාණය කර ඇත.

වෛද්‍ය පුහුණුවක් හා උපාධියක් ලබාදෙන මුවාවෙන් දේශීය හා විදේශීය ශිෂ්‍යයන් ගසා කමින් වක‍්‍ර මාර්ගවලින් රාජ්‍ය අනුග‍්‍රහය ලබාගැනීමට කූට උපාය යොදන බව ද අමාත්‍යවරයා සඳහන් කර ඇත.

උසස් පෙළ ප්‍රතිඵල හෙට


අධ්‍යාපන පොදු සහතික පත්‍ර උසස් පෙළ විභාගයේ ප්‍රතිඵල හෙට (25) නිකුත් කිරීමට කටයුතු කරන බව විභාග කොමසාරිස් අනුර එදිරිසිංහ මහතා ප්‍රකාශ කරයි.

නලින්ද සිල්වාට එරෙහිව සරසවි ඇදුරන් සටනට.

මහාචාර්ය නලින්ද සිල්වා මහතාගේ ක්‍රියා කලාපයට විරෝධය පා කැළණිය විශ්වවිද්‍යාලයේ ආචාර්යවරුන් ඊයේ සංකේත වර්ජනයක නිරත වූහ. කැළණිය විශ්වවිද්‍යාලයේ ආචාර්ය සංගමය විසින් මෙම විරෝධතාවය සංවිධානය කර තිබිණි.

ශිෂ්‍ය සංගම් තහනම වහා ඉවත් කරනු පේරාදෙණිය සිසුන් උද්ඝෝෂණයේ..


යෝජිත අධ්‍යාපන පෞද්ගලීකරණ පනතට හා ශිෂ්‍ය මර්දනයට එරෙහිව පේරාදෙණිය විශ්විද්‍යාලයේ සිට කොළඹ දක්වා සංවිධානය කර තිබූ පා ගමන ඊයේ දින ආණ්ඩුව විසින් නතර කරන ලදී.

ආණ්ඩුව හමුදා පුහුණුවේදී සිසුන්ගේ ජීවිත මරණීය අනතුරුවලට ඇද දමලා -අන්තරේ

     ආණ්ඩුව විසින් නවක සරසවි සිසුන් සඳහා ලබාදෙන බලහත්කාරී හමුදා පුහුණුව අහිංසකසිසුන් මාරාන්තික තුවාලකරුවන් බවට පත් කරන වදක පුහුණුවක් බවට පත්ව තිබෙනබව අන්තර් විශ්ව විද්‍යාලයීය ශිෂ්‍ය බලමණ්ඩලයේ කැඳවුම්කරු සංජීව බණ්ඩාර මහතා පවසයි.