මිලිටරි පුහුණුව: කන්නත් නෑ, වැසිකිලිත් නෑ, වැඩකුත් නෑ, දරුවෝ ඇඬූ කදුළින්

     හමුදා කඳවුරු කරා බලයෙන් ගාල් කරවන ලද පූර්ව-සරසවි සිසු පරපුරට ඊනියා මිලිටරි පුහුණුවේ පළමු දිනයේ තිබුණේ ජනාධිපති රාජපක්ෂගේ කතාවට සවන් දීමට පමණි.

     සිය දෙමාපියන් දුකසේ හරි හම්බකරන මුදලින් රුපියල් දස දහසකට වඩා වැය කර එස්.බී. දිසානායකගේ බඩු ලැයිස්තුව ද රැගෙන හමුදා කඳවුරු කරා ගිය නවක සිසු සිසුවියන් බොහෝ දෙනෙක් ප්‍රථම දිනය ගත කළේ ඇඬූ කදුළින් බව තොරතුරු මාර්ග පවසයි.

එස්. බී. ගේ වැඩ කිඩ ටිකක්....

ඔහුට විශ්ව විද්‍යාල සිසුන් වහ කඳුරුය. විශේෂයෙන් අන්තර් විශ්ව විද්‍යාල ශිෂ්‍ය බල මණ්ඩලය වහකදුරුය. ජේ.වී.පී. ‘‘කාරයින්’’ද වහකදුරුය. මන්ද ඒ අයට ඔහුට මෙන් ‘‘විනයක්’’ ‘‘හික්මීමක්’’ නැති නිසාය. දැන් අප කියන්න යන්නේ ‘‘ ඒ විනය ගරුක ’’ ‘‘ගුණ ගරුක’’ මිනිසාගේ වැඩ කිඩ වලින් බිඳකි. ඔහු නම් අන් කවරෙකුවත් නොව උසස් අධ්‍යාපන ඇමති එස්.බී. දිසානායකය. ඔබට කැමති නම් ඔහු හරහා අපේ රටේ ‘‘ගුණ ගරුක, විනය ගරුක’’ මුලූ ඇමති මණ්ඩලයේම වැඩ කිඩ කියවා ගැනීමට අවස්ථාව තිබේ.

ජාතික අධ්‍යාපන දෙපාර්තමේන්තුවේ අධ්‍යක්‍ෂ ජනරාල් ජී.ඞී.සී. ඒකනායක නැමැත්තා විසින් 2010-08-17 දා තමින් යුතුව වෙළෙඳ තීරු බදු හා ආයෝජන ප‍්‍රතිපත්ති දෙපාර්තමේන්තුවේ අධ්‍යක්‍ෂ ජනරාල් වෙත ලිපියක් එවයි. එහි ශීර්ෂය මෙසේය. ‘‘ගරු උසස් අධ්‍යාපන අමාත්‍යතුමාගේ භාවිතය සඳහා ආනයනය කරනු ලබන ටොයොටා (BRAND NEW TOYOTA LAND CRUISER JEEP) ජීප් රථය රේගු ගාස්තු පසුව ගෙවීමේ පදනම මත නිදහස් කර ගැනීම.’’