Subscribe:

සබරගමුව සිසුන්ට එල්ල කල වෙඩි ප්‍රහාරයට එරෙහිව උද්ඝෝශණයක්

24 වන දින අළුයම සබරගමුව සරසවි සිසුන්ට එල්ල කල වෙඩි ප්‍රහරයට එරෙහිව අද දින දැවැන්ත විරෝධතාවක් ක්‍රියාත්මක කෙරිනි. සබරගමුව සරසවියේ පාලනාධිකාරිය විසින් සිදු කර තිබෙන ශිෂ්‍ය සංගම් තහනම හා සිසුන්ට පනවා ඇති අසාධාරණ තීන්දු හකුලා ගන්නැයි බල කරමින් සබරගමුව සරසවි සිසුන් උපකුලපති කාර්යාලය ඉදිරිපිට සත්‍යග්‍රහායක් ආරම්බ කල අතර පසුගිය 24 දින අළුයම 1.45 පමන ආණ්ඩුවේ මැරයන් පිරිසක් පැමින සරසවිය ඉදිරිපිට අහසට වෙඩිතබා පලාගොස් තිබේ. තවද සිසු නායකයන්ට දිගින් දිගටම මරන තර්ජන එල්ල කරන අතර සිසුන්ගේ ගැටළු විසදීමට ආණ්ඩුව කිසිදු ක්‍රියාමර්ගයක් ගෙන නැත. මෙම ගැටළු වලට වහා විසදුම් ලබාදෙන ලෙස බල කරමින් අද දහවල් සරසවිය ඉදිරිපිට උද්ඝෝශනයක් ක්‍රියත්මක කෙරිනි.

මාළඹේ පෞද්ගලික වෛද්‍ය විද්‍යාලය ප්‍රෝඩාවක් - වාසු

Vasudeva Nanayakkara
මාළඹේ පෞද්ගලික වෛද්‍ය විද්‍යාලය ප්‍රෝඩාකාරී වැඩපිළිවෙළක් බව භාෂා හා සමාජ ඒකාබද්ධතා අමාත්‍ය වාසු‍දේව නානායක්කාර මහතා පවසා ඇත. අමාත්‍යවරයා ‍මාධ්‍ය ‍වෙත නි‍වේදනයක් නිකුත් කරමින් මේ බව සඳහන් කර ති‍බේ.

එහි වැඩිදුරටත් සඳහන්ව ඇත්තේ මෙම ‍පෞද්ගලික වෛද්‍ය විද්‍යාලට නීත්‍යානුකූල පදනමක් නොතිබීමත්, ජාත්‍යන්තර වෛද්‍ය ප‍්‍රමිතියට අනුකූලව වෘත්තිකයන් බිහිකිරීමට ඇති නොහැකියාවත් නිසි ප‍්‍රායෝගික පුහුණු පහසුකමි හා ශාස්තී‍්‍රය දැනුම ඇති ගුරු මණ්ඩලයක් නොසිටීමත් බරපතල ලෙස ඉස්මතු වන ගැටලුවක් නිර්මාණය කර ඇත.

වෛද්‍ය පුහුණුවක් හා උපාධියක් ලබාදෙන මුවාවෙන් දේශීය හා විදේශීය ශිෂ්‍යයන් ගසා කමින් වක‍්‍ර මාර්ගවලින් රාජ්‍ය අනුග‍්‍රහය ලබාගැනීමට කූට උපාය යොදන බව ද අමාත්‍යවරයා සඳහන් කර ඇත.

උසස් පෙළ ප්‍රතිඵල හෙට


අධ්‍යාපන පොදු සහතික පත්‍ර උසස් පෙළ විභාගයේ ප්‍රතිඵල හෙට (25) නිකුත් කිරීමට කටයුතු කරන බව විභාග කොමසාරිස් අනුර එදිරිසිංහ මහතා ප්‍රකාශ කරයි.

නලින්ද සිල්වාට එරෙහිව සරසවි ඇදුරන් සටනට.

මහාචාර්ය නලින්ද සිල්වා මහතාගේ ක්‍රියා කලාපයට විරෝධය පා කැළණිය විශ්වවිද්‍යාලයේ ආචාර්යවරුන් ඊයේ සංකේත වර්ජනයක නිරත වූහ. කැළණිය විශ්වවිද්‍යාලයේ ආචාර්ය සංගමය විසින් මෙම විරෝධතාවය සංවිධානය කර තිබිණි.

ශිෂ්‍ය සංගම් තහනම වහා ඉවත් කරනු පේරාදෙණිය සිසුන් උද්ඝෝෂණයේ..


යෝජිත අධ්‍යාපන පෞද්ගලීකරණ පනතට හා ශිෂ්‍ය මර්දනයට එරෙහිව පේරාදෙණිය විශ්විද්‍යාලයේ සිට කොළඹ දක්වා සංවිධානය කර තිබූ පා ගමන ඊයේ දින ආණ්ඩුව විසින් නතර කරන ලදී.