පහතින් දැක්වෙන්නේ අන්තර් විශ්වවිද්‍යාලයීය ශිෂ්‍ය බලමණ්ඩලය විසින් එක්සත් ජාතීන්න්ගේ සංවිධානයට ඉදිරිපත් කරනලද නිවේදන‍යේ සිංගල පරිවර්ථනයයි.
ශ‍්‍රී ලංකාව තුළ මානව අයිතිවාසිකම් හා ප‍්‍රජාතන්ත‍්‍රවාදය සම්බන්ධව විශාල ගැටළුකාරී වාතාවරණයක් නිර්මාණය වී ඇති බව ඔබ ආයතනය කිසියම් අවබෝධයකින් පසුවන්නේ යැයි සිතමු. යථෝක්ත තත්ත්වය අද වන විට ඉතාමත් භයානක ලෙස වර්ධනය වෙමින් පවතින අතර රටේ විශ්වවිද්‍යාල පද්ධතිය එකී ප‍්‍රජාතන්ත‍්‍රවිරෝධී වැඩපිළිවෙලෙහි ගොදුරක්ව ඇත්තේ කෙසේදැයි ඔබතුමාගේ අවධානයට යොමු කරවීම මෙම ලිපියේ අරමුණයි.
ඕනෑම රටක ශිෂ්‍ය ව්‍යාපාරයක් සේම, ලංකාවේ විශාලතම හා ප‍්‍රධානම ශිෂ්‍ය සංවිධානය වන අන්තර් විශ්වවිද්‍යාලයීය ශිෂ්‍ය බලමණ්ඩලය ලෙස අපද රටේ ජනතාවට බලපාන ජාතික මට්ටමේ ගැටළුවලදී මෙන්ම අධ්‍යාපනය සම්බන්ධ කාරණාවලදී ද ඍජුවම මැදිහත් වීමු. දශක තුනකට අධික කාලයක් තුළ විවිධ මට්ටමේ මර්දනයන්ට ගොදුරු වීමට අපට සිදු වූයේ එම මැදිහත් වීම් තීරණාත්මක වූ බැවිනි. අද ද ක‍්‍රියාත්මක වෙමින් පවතිනුයේ එම මර්දනයේම දිගුවකි.
ලංකාව තුළ ක‍්‍රියාත්කවන මර්දනය ශිෂ්‍යයන්ට එරෙහිව පමණක් නොව වෙනස් විරුද්ධ මත දරන හෝ සිය අයිතීන් වෙනුවෙන් පෙනී සිටින ඕනෑම සංවිධානයකට හෝ පුද්ගලයෙකුට එරෙහිව ආණ්ඩුව විසින් ක‍්‍රියාත්මක කරවන්නකි.
ලංකාව තුළ ක‍්‍රියාත්කවන මර්දනය ශිෂ්‍යයන්ට එරෙහිව පමණක් නොව වෙනස් විරුද්ධ මත දරන හෝ සිය අයිතීන් වෙනුවෙන් පෙනී සිටින ඕනෑම සංවිධානයකට හෝ පුද්ගලයෙකුට එරෙහිව ආණ්ඩුව විසින් ක‍්‍රියාත්මක කරවන්නකි.
විපක්ෂයේ දේශපාලන පක්ෂ ඉලක්ක කර කරනු ලබන පහරදීම්, මාධ්‍යවේදීන්ට කරනු ලබන තර්ජන, පහරදීම්, මරා දැමීම් හා මාධ්‍ය ආයතන ගිනි තැබීම්, උතුරු නැගෙනහිර සිවිල් පරිපාලනයක් ස්ථාපිත නොකර සාමාන්‍ය දමිල වැසියන්ට එරෙහිව මුදා හරින ප‍්‍රචණ්ඩත්වය, පොලීසිය හා නීතිපති දෙපාර්තමේන්තුව හරහා රටේ නීති පද්ධතියට කරනු ලබන බලපෑම මෙම මර්දනය ක‍්‍රියාත්මකවන විවිධ ස්වරූපයක් වේ. ඒ අතර රටේ විශ්වවිද්‍යාල ඉලක්ක කර එල්ල කරනු ලබන්නේද සැළසුම් සහගත ප‍්‍රහාරයන් වැලකි. ඒ අනුව විශ්වවිද්‍යාල තුළ ශිෂ්‍යයන්ගේ පමණක් නොව ආචාර්යවරුන්ගේ පවා ප‍්‍රජාතන්ත‍්‍රවාදී අයිතීන් කප්පාදු කොට ඇත. ඒ අනුව පසුගිය වසරක කාලය තුළ මෙම මර්දනය ඉතා දැඩිව ක‍්‍රියාත්මක වුණි. පසුගිය වසර තුළ බොරු චෝදනා මත පංති තහනම් කරන ලද ශිෂ්‍ය ප‍්‍රමාණය 300 කට අධිකය. අත් අඩංගුවට ගෙන සිරගත කරන ලද සංඛ්‍යාව 40 ද ඉක්මවයි. විශ්වවිද්‍යාල තුළ ආණ්ඩුවේ මැරයන් විසින් කරන ලද පහරදීම් හා ඒ නිසා සිසුන් තුවාල ලැබූ අවස්ථා ඉතා විශාලය. උසස් අධ්‍යාපන අමාත්‍යවරයාගේ සෘජු මැදිහතවීම මත අවස්ථා ගණනාවකදීම සිසුන්ට පහර දෙන ලදි.ආචාර්යය වරුන්ට පීඨාධිපතිවරයකු පත්කරගැනීමට ඡුන්දය භාවිතා කිරීමේ අයිතිය උපකුලපතිවරයා විසින් උදුරාගන්නා ලදි.
අද ඉතා ඉහළ තත්ත්වයක් දක්වා වර්ධනය වී ඇත්තේ ක‍්‍රමිකව වර්ධනය වූ මෙම තත්ත්වයයි. සබරගමුව විශ්වවිද්‍යාලයේ නීත්‍යානුකූලව පිහිටුවනු ලැබූ ශිෂ්‍ය සංගම් සියල්ල තහනම් කරනු ලැබුවේ ඒ අනුව යමිනි. මෙය ඉතාමත්ම භයානක තත්ත්වයක්වන අතර විශ්වවිද්‍යාලය තුළ මුළුමනින්ම ප‍්‍රජාතන්ත‍්‍රවාදය හැකිළීමක් බව ඔබතුමාගේ අවධානයට යොමු කර සිටිමු.
අද ඉතා ඉහළ තත්ත්වයක් දක්වා වර්ධනය වී ඇත්තේ ක‍්‍රමිකව වර්ධනය වූ මෙම තත්ත්වයයි. සබරගමුව විශ්වවිද්‍යාලයේ නීත්‍යානුකූලව පිහිටුවනු ලැබූ ශිෂ්‍ය සංගම් සියල්ල තහනම් කරනු ලැබුවේ ඒ අනුව යමිනි. මෙය ඉතාමත්ම භයානක තත්ත්වයක්වන අතර විශ්වවිද්‍යාලය තුළ මුළුමනින්ම ප‍්‍රජාතන්ත‍්‍රවාදය හැකිළීමක් බව ඔබතුමාගේ අවධානයට යොමු කර සිටිමු.
ශිෂ්‍ය සංගම් 1978 අංක 16 දරන පනතෙහි ප‍්‍රතිපාදන මත ස්ථාපිත කර ඇත්තේ සිසුන්ට විශ්වවිද්‍යාලය තුළ මෙන්ම පිටතදී තමන් නියෝජනය කිරීම සඳහා නියෝජිතයන් පත්කරගැනීම සඳහාය. ශිෂ්‍ය සංගම් තහනම් කිරීම හරහා නීත්‍යානුකූලව හිමිවූ මෙම අයිතිය අහෝසිකොට ඇත. මෙවැනි ශිෂ්‍ය සංගම් තහනම් කිරීමක් ආණ්ඩුව මැදිහත්ව කර ඇත්තේ ජේ.ආර්. ජයවර්ධන ජනාධිපතිවරයා විසින් 1983 වර්ෂයේදීය. එදා ශිෂ්‍ය සංගම්, දේශපාලන පක්ෂ, වෘත්තීය සමිති, තහනම් කර ආරම්භකළ ප‍්‍රජාතන්ත‍්‍ර විරෝධී පාලනය අවසන්වූයේ රටට වටිනා ජීවිත දහස් ගණනක් අහිමි කර බව ලෝකයම දන්නා කරුණකි. ශිෂ්‍ය සංගම් තහනම් කර වත්මන් ආණ්ඩුව විසින් විශ්වවිද්‍යල තුළ කරන මැදිහත්වීම එවැනි ඉතා භයානක මැදිහත්වීමකට කරන පූර්ව සූදානමක් ලෙස අපි දකිමු.
ඒ අනුව රට හමුවේ මානව අයිතීන් මුළුමනින්ම උල්ලංඝනය වන ප‍්‍රජාතන්ත‍්‍ර විරෝධී වටපිටාවක් නිර්මාණයවී ක‍්‍රමිකව වර්ධනය වෙමින් පවතී. ඒ පිළිබඳව දැනුවත් කිරීම මෙම ලිපියේ අරමුණ වන අතර ඒ පිළිබඳව තව දුරටත් ඔබතුමාගේ අවධානය යොමු කරන මෙන් කාරුණිකව ඉල්ලා සිටිමු.
Posts
0 comments:
Post a Comment